تكمله بنات اون لاين

موضوع: رد 2009-06-26, 6:37 am

من عينيا يا صاصا القصه اللى جايه انشاء الله انتى تامرى Smile

موضوع: رد: تكمله بنات اون لاين 2009-06-26, 3:11 am

قصه حلوة اوي
بس ياريت يامروة تكبري خط التكملة انت عايزيانا نتعمي
يلا ومستنيين الباقي

موضوع: تكمله 2009-06-21, 5:33 am

بيصير ماكان في الحسبان
فرح صرخت ونزلت لمستواه : فراس ايش فيه فايز اشبو قلي
يافيروو ايش صاير ؟
فراس يطالع في اخته كأنها فراغ يطالع في عيونها كأنها بحر
..بحـــر بلآ نهـآيه
نزلت أم فرح تجري وشافت ابنها جاثي على ركبه في الارض
ودموعه على خده طاح قلبها : فراس حبيبي ياامي ايش فيك
ايش سار ؟
فراس غمض عيونه وحاول يضبط أعصابه : ولدك ياأم فايز
ولدك
ام فايز نزلت دموعها حست بطعنات قويه في قلبها من قبل
ماتعرف ايش صار : اشبو فااااايز فراس اتكلم انطق ..
فرح تبكي :فراس الله يخليك قول اخويا ايش فيه فين فايز
فينو ؟
فراس نزل راسه بحزن : أمي ..فرح ..فـآيز بيفارق
الدنيا بعد أيام
ام فايز بصدمه : ايييش تقول ؟
فراس وقف ودموعه ماخذه طريقها في النزول : فااايز
ياامي ذبح سالم ولد عمي ومحكوم عليه بالأعدآم وسامي
وعمي حالفين مايتنازلوا
ام فايز حست الدنيا تدور فيها مو مستوعبه فراس ايش
بيقول طاحت عـ الأرض مغمى عليها
وفرح تطالع في عيون فراس بشك تبغه تلاقي فيهم مخرج أو
أي أمل بس للآسف الحاله الي فراس فيها ودموعه الي فرح
ماقد شافتها تأكد إنه الأمل عند رب العالمين
وفي الريـآض
جوود في غرفتها رافعه صوت المسجل عالأخير .. أغنية "غمض
عيونك" حقت راشد الماجد
وترقص عليها بالشورت الابيض الاستريتش والبادي الأصفر
وفاكه شعرها الكيريلي ومخليته على طبيعته يتحرك مع
حركاتها
غمض عيونك حبيبي غمض عيونك .. بقول لك شي بس اسمعني
بقلبك .. محتاجلك في حياتي ماقدر بدونك ..أو بختصرلك
واقول احبك احبك
ويقطع عليها اندماجها مع الأغنيه ومزااجها الي كان
رايق دقت الباب
طققق طق طقققق
جود رخت صوت المسجل ..: نعععععععم ؟؟
ام جود : يلا ياماما الغداء
جود : اوكي مامي الحين نازله
غيرت ملابسها ونزلت تتغدى مع أمها
جود : اقوول ماما
ام جود : نعم
جود : فيه بنيه تعرفت عليها من الشات ومره طيبه
ياحليلها وودي احاكيها تلفون وش رايك ؟؟
ام جود طالعت في بنتها بتساؤل : انتي متأكده انها بنيه؟
جود : ايييه يمه ايم شوور اصلا مافيه شك اسلوبها مبين
وكلامها وقصة حياتها ..
ام جود بعدم اهتمام : انزين حاكيها وش عليه ..
خلصت جود غداها وطلعت تجري لغرفتها قفلت على نفسها
الباب واخذت جوالها ودقت عـ الرقم ..
ومن الجهه التانيه .. حلا في غرفتها غارقه في بحر احلامها
وافكارها .. تحس قلبها بين يوم وليله نبض فرح وسرور تح
س انها ملكت هالدنيا كلها من بعد ماشافته شافت فارس
الأحلام الغير منتظر شافت رجولته وشهامته في عيونه شافت
الحنان والدفئ في ابتسامته .. ابتسمت ابتسامه من غير
عادتها ابتسامه تنبض حب وعاطفه ..
نقزت على صوت نغمة جوالها العاليه ..
حلا شافت الرقم غريب عقدت حواجبها وردت بهدوء خاصة انه
ا مو متعوده عالمكالمات الغريبه : الوو..
جود من الطرف التاني مرتبكه : الوو ... السلام عليكم ..
حلا استغربت صوت بنت اول مره تسمعه : وعليكم السلام ..
جود بتردد : انتي جنان ؟؟
حلا زاد استغرابها : مين جنان ؟؟
جود دارت زلة لسانها : قصدي حلا ..
حلا : أيه مين معي ..
جود ابتسمت : انا غرام ؟؟
حلا دوبها تفتكر : اهلييييييييييييييييييييييين هلا والل
ه ماعرفتك ؟؟
جود بابتسامه هاديه : هلا فيك ههههه اكيد ماراح
تعرفيني وش الذكاء الخارق الي فيك ..
حلا ارتاحت نفسيتها لمن اتاكدت انو جود بنت كانت
مرتبكه وخايفه كل هالايام من انها اعطت رقمها لولد
وهيا اهلها محافظين شويه : هههههههه زين ماطلعتي بلحيه ..
جود باستهبال : لاء ماني بلحيه بسكسوووكه خخخخ
حلا : هههههههه كيفك ؟
جود : تمـآم انتي وش اخبارك ؟
حلا : تمـــآآآم وش مسويه في دراستك ؟
جود : زينه ..
حلا : غريبه داقه الحين من متى معطيتك الرقم ..
جود : هههه بصراحه كنت خايفه تطلعين شاب مفتول العضلات
خخخخخ
حلا : هههههههه ...انتي اسمك غرام ؟؟
جود : ههههه لاء
حلا : اجل ؟
جود : اسمي جود ..
حلا : عاشت الاسامي ..
جود : تسلمين وانتي من جد اسمك حلاوه ..
حلا : هههههههه ايه حلا ..
جود : حلو اسمك ؟
حلا : ههههه عيونك الحلوه .. تصدقين صوتك مو لايقلك ابدا..
جود : ليش شفتيني وانا مدري ..؟
حلا : ههههه لاء بس كنت متوقعه من عربجتك ورجتك الي
بالشات ان صوتك يكون اتخن شوي ..
جود : هههههههه لا تغرك المظاهر ..
اندق باب غرفة حلا ..
حلا ارتبكت : انزين جود احاكيك بعدين اوكي ..
جود : اوكي بس الحقي على خطيبي لا تخليه ينتظر كثير عند
الباب ..

حلا باستغراب : خطيبك ؟؟
جود : ايه مو انتي قلتي بتزوجيني اخوك ؟؟
حلا : ههههههههاااي الله يرجك طيب يلا عن اذنك مايصير
اخلي حبيب القلب ينتظر كثير ..
جود : ههههههه اوكي وسلميلي عليه ..
حلا : اوكي باي ..
جود : بايات وعاش من سمع صوتك ..
حلا : عاشت ايامك مع السلامه ..
دخل محمد معصب : وش فيك انتي ماتفتحين الباب من كنتي
تحاكين ؟
حلا : صديقتي ..
محمد : اممم انزين الغداء جاهز بتنزلين ؟
حلا بتردد : وولد عمي ؟
محمد باستغراب : وش عرفك انه ولد عمك عندنا ؟
حلا ارتبكت : لااا بـ..ـس سمعتك تحاكيه و....
قاطعها محمد : اوكي موب مشكله انزلي نتغدى ماعليك
البسي شي طويل واتحجبي ..
حلا وجهها انقلب مية لون مو متعوده تجلس مع عيال عمها
ولا تواجههم : اوكي ..
محمد ابتسم وقرب منها باس راسها بحنان : الله لا يحرمني منك ياشيخه ..
حلا بخجل نزلت راسها : تسلم ..
محمد : فديت الي تستحي ياشيخه يلا غيري ثيابك وبلا دلع ..
حلا هزت راسها
طلع محمد وبعد دقيقتين اندق الباب
حلا : ميييين ؟؟نواف بتريقه : عمك امييييين ..
حلا : هههه نواف ادخل ..
دخل نواف وشافها تلف طرحتها على راسها : على وين
ياسيد الزين ..
حلا : هههه نوفاا بطل بياخه ..
نواف : انزين على وين ياست الحسن والجمال ..
حلا لفت عليه بخجل : ولا مكان بس بنزل اتغدى ..
نواف عقد حواجبه : وفيصل ؟؟
حلا باستغراب : فيصل مين ؟
نواف : ولد عمك ؟
حلا طالعت في نفسها وفي لبسها بارتباك : وش فيه ولد عمي ..
نواف رفع حاجبه بتفاجأ : يتواجهينه يعني ؟
حلا ارتبكت وحرارة جسمها ارتفعت : محمد يقول انزلي تغدي
معنا مافيها شي ..
نواف بعصبيه : شلوون مافيها شي يعني ولد عمك يشوفك
وانتي تشوفينه ؟؟
حلا نزلت دمعتها وقالت باستسلام : خلاص موب نازله ممكن
تتركني لحالي ..
نواف حز في خاطره يكره يشوف دمعة اخته .. قرب منها

ومسح دمعتها بيده الكبيره : اسف يابعد قلبي موب قصدي
بس أخاف عليك من نسمة الهوى ..
حلا ابتسمت بحنان : طيب خلاص ماني بنازله بس بشرط ..
نواف : تتشرطين مع وجهك ..
حلا : نوفاااا بلييييييز ..
نواف : اول شي انا اسمي نواف ويوم تدلعيني نوفا كأنك
تدلعين وحده من صديقاتك ..
حلا : طيب خلاص نواف بلييييييز ..
نواف : وش تبين ؟
حلا : امم ابي ديليفري من ماك ..
نواف : والغداء الي مسوينه ؟
حلا : يوووه مو تقول لا تنزلين كيف اكل يعني ؟؟
نواف : قولي لوحده من الخادمات تطلعلك اكلك هنا ..
حلا : يووه نووفا بليز ..

نواف وهوا بيطلع : انزين خلاص قولي لواحد من السواقين
يروح يجيبلك ..
حلا : ميــــــــــرسي ..
نواف : حقك ياإيطاليه ..
حلا : خخخخخ نوفا أي ايطاليه هذا فغانسيه ....
نزل نواف لمائدة الطعام إلي بالدور الاخير ..
محمد باستغراب : وين حلا ..؟
نواف طالع في اخوه بنظره غريبه ..
محمد فهم قصده بس ماهتم : جوولي جووووولي ..
جولي : نأم بابا ..
محمد : روحي نادي حلا من فوق خليها تنزل تغدى معنا ..
نواف بنبرة غضب : حلا ماتبي تغدى ..
ابو محمد : وش فيكم وينها حلا ؟
نواف : يبه حلا ماتبي تاكل بالقووه هو ..
اما بالنسبه لفيصل فكان ميت جوع ومو داري عن الي يصير
حوله همه بطنه الي بتطلع اصوات حربيه وبس ..
محمد طالع في نواف بتهديد : جولي نادي حلا بسررررعه ..
نواف سكت وقال بيتفاهم مع اخوه بعدين ..
_-_-_ بعد أسبوع _-_-_

في بيت فـرح الوضع مايسر ..أم فرح إلي هي " ام فايز "
حالتها النفسيه سيئه لابعد الحدود خلاص أهل القتيل
رافضين يتنازلوا وفايز بيروح عنهم بعد يومين بس .. خل
اص فايز بيفارق الدنيا بيندفن تحت التراب بيلبس الكفن
ويلتحف فيه .. أما بالنسبه لفرح واخواتها واخوانها
فحالتهم مررره زفت كل واحد بغرفته يشكي همه ومصيبته
لربه الي مالهم غيره
في غرفة فرح .. حالتها هالايام تدهورت بشكل فظيع نزلت
3 كيلو ماتآكل ولا تشرب ولا تنام وشكلها صار يفجع ..
فجر : خلاص يافرح خلااااص ادعيلو وصلي ركعتين لربك بدال
ماتبكي كدا الدموع محاتسوي شي
فرح تصرخ : فجرررررررر اخويا بيمووت اخويا حيرووح خلاص
فااايز حيسير بحححح مافيه شي اسمو فاايز فاهمه ولا لاء
يعني بنصير 6 مو 7 واحد مننا بيروح بيمووت بيختفي من
حياتنا تعرفي ايش معنى دا الكلام ولا مخك مقفل كيف تبغيني
اهدأ كيييييف
فجر نزلت دموعها الي كانت حابستها طول هالايام : خلاص
يافرح بلييز الي فيني كافيني انا جيتك ابغاكي تخففي عني
مو تزيديني
فرح تبكي بشهقات وغصات
دخل عليهم فهد .. شاف حال اخواته حس بسكين تنطعن في
قلبه كان متأكد انو اذا راح فايز بتروح كل بسمه
بهالبيت وكل فرح .. بتموت كل اللحظات الحلوه وايام
الفرح والسعاده

فهد بجديه : بناات يلا الغداء
فجر : مين لو نفس ياكل
فهد : يابنت انتي وهيا مايصير كدا شوفوا اشكالكم كيف
هياكل عظميه مو أوادم
فرح تصرخ : فــــــــــــــــــــــهد اطلع برى
مابغه اكل مابغه اشوف احد .. حـــرام عليا احط لقمه
في فمي الين يرجع فايز واشوفو بعيوني
فهد طالع فيها بحزن ورخى راسه وقال بهمس ماوصل لأذن أحد
غيره : هذا المستحيل بعينه
طلع من الغرفه ودموعه على طرف عينه اخوهم وحبيبهم
وأبوهم بيرحل عنهم خلاص كبير هالبيت بيبات تحت هالأرض
ماتحمل هالفكره ولا هوا قادر يتخيل البيت بدون فايز
طلع بسرررعه من البيت وشخط بالسياره ومالقى نفسه الأ
قدام بيــــت عمه أبو سالم
دخل عليهم بدون لا إحم ولا دستور
اتفآجأوا كل الي كانوا جالسين بالصاله المفتووحه
وقف واحد من الشباب واعتفس وجهه والدم كله اتجمع في
راسه لمن شاف فهد
سامي : انقلع برىىىى ايش جابك ايش تبغه خلاص كلمه
وقلناها ومحنا مغيرينها فااااهم ولا تحب افهمك على طريقتي
فهد غمض عيونه بقوه : سامي ارحم أم تموت كل دقيقه في
بعد ابنها ارحم خوااااته ياسامي محرمين على نفسهم
اللقمه في بعده
قاطعه سامي : هههههههه وانتا اخوك مافكر في امي قبل
مايذبح اخوي مافكر ايش بيصير فينا مافكر ايش بتكون
نهايتو هاااا رد عليا انا امي الي لها اسبوع طايحه
بالمستشفى من الصدمه واخواتي الي تدهورت صحتهم وحالتهم

مين بياخذلهم حقهم والله حالف لا اخذ بثار اخوي لو كلفني
حياتي واحلم اتنازل سااامع ولا لاء يلا اطلع برى ولا عاد
اشوف وجهك منتا ولد عمي ولا اعرفك ساااامع
فهد بقلة حيله رفع يده للسماء ودعى دعااء من قلبه :
يارب انك تفرج هم اخوي وتسامحه
سامي بصوت عالي : انقلع ايش تستنى
طلع فهد يجرجر حزنه وآلامه خلاص فقد الامل

موضوع: تكمله بنات اون لاين 2009-06-21, 5:22 am

التكمله

.....

اليوم الي بعده .. الثلاثاء .. الساعه 9 الصباح ..

فرح : ياشيخه طيري بلا هم تبغي تجي معايا تعالي ماتبغي انطقي هنا احسن لك ..

لمى : فرووحه لسه باقيلنا محاضره فين رايحه ؟

فرح : امم والله انا طفشت وقرفت منك ومن وجهك وابغه اطلع افطر وراجعه ..

لمى : كيف حتروحي ؟

فرح بتريقه : على حنطوور ..بلا هبل انتي كمانه سواقي برى لسه باقي ساعتين عالمحاضره

..
لمى : اممم اوكي بجي معاكي ..

فرح : طيب بسررعه خلصيني ..

*** فرح شخصيه محبوبه وتدخل القلب بسرعه وفي نفس الوقت مغروره لأبعد حد ومافيه

شي تتمناه وماتطوله كل الي تبغاه يوصل لعندها وربي أعطاها من الجمال قدر كبير بس

عيبها انها عصبيه وتتنرفز بسرعه ماتطيق كلمه من أحد وخاصة اذا كانت هالكلمه

"لاء" ***

لبسوا عباياتهم وخرجوا مع السواق على جده مول ..

لمى شهقت : فروووحه شوفي مين هنا ؟؟

فرح طالعت للشاب الوسيم الي كان جالس لحاله على طاوله وقالت بعدم اهتمام : هادا

رامي ايش جابو هنا الغبي ..

لمى : انتي مجنونه عارفه ايش يعني رامي ياهببببببله دا الي يغني يازفتته والله ماأطلع

من هنا الا ومعايا توقيعو وصوره له كمان ..

فرح ضربتها على كتفها : والله انك بزر امشي بس امشي ..

لمى ماهتمت لفرح وكملت طريقها لناحية رامي الين وقفت قدامه مباشره : هاااي ..

رامي طالع فيها بتكبر وغرور : هلا

لمى ابتسمت بعدم تصديق : انتا رامي الـ****** صح ..

رامي ببرود ماطالع فيها : ايوا ..

لمى اتنرفزت من غروره صح دايما تشوفه عالتلفزيون مغرور ومتكبر بس كانت تظن انه

ثقل بس اكتشفت انو من جد ثقيل دم ماينطاق ... طلعت من شنطتها دفتر صغير : لو

سمحت ممكن توقعلي ..

جات فرح معصبه من بعيد : انتي ياهبله مو قولتلك امشي معايا فين رحتي ..

رامي استغرب مين دي المعصبه كذا ..طالع فيها بغرور : سلاااام بالأول ..

فرح طالعت فيه من فوق لتحت : خير ياخويا ايش عندك ؟؟

رامي مات قهر انها ماعرفته معقوله هوا الي البنات يتجننوا عليه دي الغبيه

ماتعرفه..قال بخبث : كلميني بطريقه احسن من كدا انتي عارفه انا مين ؟؟

فرح ضحكت في نفسها >> مسكين يحسب انو لمن حيقلي مين هوا حطير عليه لكن انا اوريك

يارامي يازفت << : ايوا انتا داك الي مادري ايش اسمو الي في داك البرنامج التافه

للناس الأتفه عارفتك مبين من صلعتك ..

رامي عصب وطالع فيها بحقد : اقوول اسمي رامي الـ****** تاج راسك والتفاهه الي

تتكلمي عنها هيا الي وصلتني للنجوميه ..

فرح : ههههههههه تخسى لا إنتا ولا طابور زيك تاج راسي قال رامي قال خير ياطير

وبعدين مره واثق من نفسك انتا بس لو تجرب يوم تصحى وتطالع في نفسك في المرايا

والله انك حتشرد من البيت خخخخخ قصدي حتشرد من جلدك ...

رامي وقف ورفع اصباعه في وجهها : قد الكلام الي قلتيه ؟

فرح ضربت يده المرفوعه في وجهها بقوه : انا بنت الفارس لمن اقول كلمه ماتراجع

عنها والي يرفع ايده في وجهي تنكسر ..

طالعت فيه من فوق لتحت وسحبت لمى من يدها ومشيت عنه ..

لمى بصدمه : انتي مجنونه تعرفي هادا ايش ممكن يسوي فيكي ..

فرح : ههههههههه ايش يضربني بالمنديل ياشيخه سيبيكي منو رافع خشمو على خيابتو ..
لمى : طيب ليه سويتي كدا ماكان فيه داعي كان خصرتيه والله يافرووحه اني خايفه

يسويلنا شي ..

فرح طالعت في عيون لمى بتحدي : انا فرح الفارس عارفه ايش يعني ؟؟ يعني لو اكبر شنب

يوقف بوجهي بدعس عليه فاهمه ولا لاء ..

لمى سكتت ومشيت ورى فرح وهيا مرتبكه من رامي الي بين في نظراته الحقد والمكر يعني

اكيد مو سايبهم في حالهم ..

جاه صوت من وراهم مبين فيه الهدوء والخبث : يابنت الفارس ..

فرح وقفت مستغربه ولفت عليه : خير ..

رامي مدلها كرت في رقمه : خذي ..

فرح ابتسمت بخبث واخذت الرقم منه قطعته ورمته عـ الأرض ودعست عليه بقوه : بنت

الفارس ماتكلم أشكال القرف دي ..

رامي رفع حاجبو وابتسم بخبث : رح يجي اليوم إلي تطلبيه مني صدقيني ..

فرح ابتسمت لحد مابان آخر ضرس بفمها : حلم إبليس بالجنه ..

مشيت عنو وسحبت لمى من يدها ..

رامي : آآووه صح انتي ياحلوه ماتبغي توقيعي هههههه

لمى خافت وماردت عليه مشيت مع فرح الين اختفوا عن أنظار رامي إلي كانت تحدق فيهم

بمكر وخبث ونظرات لها معنى خطيـر ..

@@@@@@@@@@@@@@@@@@@

وفي الريـآضٍ ..

في إحدى حواريها الضيقه وشوارعها الصغيره .. بيت أم نوره القديم ..

نوف : يمممممممممه يممممه آآآآآآآآآآآآه يمممه شوفيها ..

نوره تزيد قبضة يدها على شعر نوف : تستاااهلين ياحماره وين الكحل حقي هااا

طلعيه الحين ابيه ..
نوف : آآآآي يممه لحقي علي بتموتني الزق نوره يمممممممممه ابعدي عني ياحماره مادري

وينه ..

أم نوره دخلت عليهم الغرفه معصبه : وش فيه بزارين انتم نووره وش تسوين اتركي

شعرها قولولي بالله عليكم كل وحده فيكم كم عمرها وش خليتو لخواتكم الصغار ..

نجود تطالع في امها باستنكار : مين قلك ان حنا صغار انا اسبوعين وبخلص الـ 16 ..

ندى : يعني بزر ..

نجود : لا ارحمينا يالكبيره انتي انقلعي أشوف مسويتلي المثقفه رائدة الفضاء وعالمة

الفلك ..

ندى : ههههه يقلك إلي أكبر منك بيوم أعلم منك بسنه ..

نوف : آآآه يممه خليها تترك شعري ..

نوره : ههههههه وربي لا أطلع قصتك ذي في يدي لو ماطلعتي الكحل ..

نجود عاد قامت بتفزع مع نوره : إييييه طلعيه ياحراميه حتى روجي ذاك اليوم خذتيه

ولا رجعتيه ..

نوره : أيـــوه ياخطـآآفة الرجــآآآآله ..

نجود تقرص نوف في كتفها : طلعي الكحل أشوف مين يشتريلنا غيره بعدين هاااااا الكحل

الأزرق خلص مابقى إلا ذا طلعييييه تراه ماركه

ندى : هههههههه إييييييه هين ماركه مو ذا الكحل ابو 5 ريال ..

نجود طالعت في ندى : لا ياغبيه ذا ماركه ب 60 ريال تقاطينا فيه ..

نوف تعض نوره في يدها : بس يازق زودتيها قلتلك مو معي ..

أم نوره تصرخ على بناتها : وربي ماتستحوون تتهاوشون قدامي ولا عامود كهرباء

عندكم .. اتركي شعر اختك وروحي شوفي القدر عالنار لا يحترق الغدآآآء ..

نجود : يمه وش مسوين اليوم عالغدآآء ودي في كبسه ..

نوف تفرك راسها الي صار يحرقها من شد نوره : حسبي الله عليك وربي اوريك هين

يانووووير وربي مردووده ..

ام نوره عصبت منهم طلعت من الغرفه وقفلت الباب ..

نجود : يلا وينه طلعيه ولا ودك في مهاوشه ثانيه ..

نوف : اقول ضفي وجهك يالبزر ماني برايقتلك مو كفايه الخايسه اختك

البققققققققره ..

نوره : أنا بقره يا كويحه ..

ندى تبتسم بخبث : تصدقووون شكله كحل ضد الماء على قولتهم ..

نجود ونوره طالعوا في ندى وبققوا عيونهم @@..

ندى خافت من نظراتهم وراحت تجري عالسطح ..

نوره تجري وراها : هيييين يالشينه انتي الي ماخذته وانا أسئل عليه من يومين تعالي

هنا وربي لا أطلع مصارينك ..

ندى تصارخ : لاااااااااااا ياماما يمممه خلاص والله توبه اهئ اهئ ..

نوف قامت ودخلت لغرفتها المشتركه مع نجود ورمت نفسها عالسرير وطالعت في سقف

الغرفه الي بدأ لونه يروح والبويه فيه تتشقق .. تطالع فيه بحسره وألم نظرات حزن

وحـرمان : آآآآآه يايبه تعبت بدوونك والله عيني مشتاقه لشوفك بس هذا المستحيل

بعينه ..

@@@@@@@@@@@@@@@@@

محمد بصدمه : فيييييييييييييييصل ..

فيصل يفرك عيونه بكسل : همممم

محمد : قوم قوم يابو الشباب ليه نايم هنا ومتى جيت وش السالفه صاير شي ..

فيصل صلح جلسته عالكنبه ويحك راسه ويتثااوب : مافيه سالفه بس امس سيرت عليكم

ولقيتكم نايمين ومابه أحد يرجعني للبيت قلت أنام عندكم ولا طلع الصباح يصير خير ..

محمد : طيب طيب خلاص قوم اطلع نام فوق الغرف كثير ..

فيصل ماكذب خبر وقف واخذ شماغه الي كان متغطي فيه وشكله رايح فيها : انزين شوفلي

طريق ..

محمد : اوكي تعال ..

محمد بصوت عاالي : طريييييق ياهووو ..

حلا من سمعت صوت اخوها افتكرت الي صار امس وصارت ترجف بدون سبب تحس انها بتبكي

راحت تجري لغرفتها وقفلت على نفسها الباب : الله ياخدك ياغبيه والله لو درى اخوي ل

ا يذبحني بس وش اسوي هو الي داخل كذا كأن البيت بيته ماهو بذنبي ..

@@@@@@@@@@@@@@@

جود بتثاوب : يممه وش فيك قلتلك ماني برايحه اليوم ليه تقومني؟

ام جود : قومي يالثوره الساعه صارت 10 أي مدرسه الي بتنتظرك لحد الحين ..

جود : اجل وش حقه تقوميني ..

ام جود : قومي جايينلنا ناس كبار ..

جود : اووف يمه أي ناس هاللحين وش هالعالم الفاضيه ..

ام جود : قومي يلا وعن الحكي الماسخ ..

جود شويه وبتبكي : يووه يممه بليز فيني النوم ..

ام جود فتحت الستاير وطفت المكيف : قومي يلا استقبلي ضيوفنا وبعدين نامي بكيفك

بس اهم شي تكونين موجوده يوم يجون ..

جود في نفسها >> يارب يموتون في الطريق اوووف << ..

قامت غيرت ملابسها بدون نفس وماحطت شي في وجهها وخلت شعرها كشه على طبيعته ونزلت

تجلس مع الحريم وتسمع هرجهم الممل .. ومن بعدها رجعت لغرفتها ودخلت للشات ..

ღ ೋೋಈ ̶ ̷ಈ● غـرٍآآم..: هلا والله جنووو كيفك ياعسسسل ؟؟

::":: جـنآآن::":: : تمــمآآآز انتي كيفك ياحلوه ..

ღ ೋೋಈ ̶ ̷ಈ● غـرٍآآم ..: دوومز يارب .. انا بخير الحمد الله قوليلي كيف دراستك ؟

::":: جـنآآن::":: .. : الحمد الله والله ماشي بس وش حر اليوم وربي رجلي احترقت ..

ღ ೋೋಈ ̶ ̷ಈ● غـرٍآآم..: ليش الأخت تمشي حافيه ولا تدرسين عرض أزياء ؟؟

::"::جنـآآن::":: ..: ههههههههه لاء بس عارفه لزوم الشياكه لابسه كعب ..

ღ ೋೋಈ ̶ ̷ಈ● غـرٍآآم ..: خخخخخخ وربي شمس السعوديه تقمر الواحد ..

::":: جنـآآن ::":: ..: هههههههههههههه تيب وانتي وش مسويه في دراستك ؟

ღ ೋೋಈ ̶ ̷ಈ● غـرٍآآم.. : هههههه خليها على ربك بس والله اليوم مارحت للمدرسه

مالي خلق ..

::":: جنـآآن::":: ..: لييييييييه ؟؟ حرام آخر سنه لازم تشدين حيلك ..

ღ ೋೋಈ ̶ ̷ಈ● غـرٍآآم..: اقوولك جنوو انقزي لسطحي أبيكي بسالفه ..

::":: جنـآآن::":: ..: رجلي تحرقني انقزي انتي ..

ღ ೋೋಈ ̶ ̷ಈ● غـرٍآآم..: ههههههههه طيب ..

» بنات اون لاين روايه رومنسيه جريئه
» لمحبى القصص الخياليه عندى ليكوا قصه حلوه اوى
» روايه انتقام شبح الموت
» الاتيكيت من الالف الى الياء
» تكمله المولود بين برجين